Ұлттық ғылым академиясының кітапханасында ҚР БҒМ ҒК Ә.Х. Марғұлан ат. Археология институты Ғылыми кеңесінің VI-шы отырысы өтті.
Ең бірінші, Институттың ғылыми кеңесінің құрамына өзгерістер мен толықтырулар енгізіп, 29 адамға дейін көбейту мәселесі қарастырылды. Оның құрамына археологиядағы тас, қола, ерте темір және ортағасыр дәуірінің мәселелерімен айналысып жүрген отандық белгілі ғалымдар енгізілді.
Одан әрі, философия докторы (PhD) ғылыми дәрежесін алу үшін дайындалған екі диссертацияның қорғау алды талқылауы өткізілді. Атап айтқанда, А.Е. Ержанова «Оңтүстік Сарыарқа тұрғындарының тас құралдары (Атасу мен Талдысай микроаудандары бойынша)» (жетекшісі т.ғ.д. З.С. Самашев) және Б.А. Железняков «Религии средневекового Казахстана по археологическим источникам» (жетекшісі т.ғ.к., асс. проф. А.С. Уалтаева).
Ғылыми кеңестегі талқылаудан кейін ғылыми жұмыстар басым дауыспен Диссертациялық кеңесте қорғауға ұсынылды.
Фото. 1. Археология институтының VI Ғылыми кеңесінің отырысы. OH. Марғұлан 13.09.2021 ж
Фото. 2. Докторант Б.А. Железняков, Ғылыми кеңестің сұрақтарына жауап береді
Фото. 3. Докторант А.Ш. Ержанова ғылыми диссертациясының нәтижесін Ғылыми кеңеске ұсынады.