28 қараша 2018 жылы Ә.Х. Марғұлан атындағы Археология институтында «Ұлы даланың жеті қыры» атты дөңгелек үстел өткізілді. . Дөңгелек үстел барысында Елбасының «Ұлы даланың жеті қыры» мақаласының негізгі бағыттары талқыланды. Талқылау аясында институт ғалымдары арасында пікір алмасулар жүріп, мақаланың өзектілігі атап өтілді. Аталған жиында Б.Ә. Байтанаев, А.С. Ермолаева, О.А. Артюхова, А.А. Горячев, Г.С. Джумабекова, Г.Б. Базарбаева, Е. Ақымбек және басқа да ғылыми қызметкерлер мақала төңірегінде өз ойларын айтты. Металлургия тарихы, негізгі ошақтары мен ерекшеліктері, Ұлы Жібек жолындағы жылқының рөлі мен қазақ халқындағы жылқы малының маңыздылығы, қола дәуірінің қоныстары мен тұрғындардың тұрмыстық-мәдени жағдайлары, сақтардың аң стилінде жасалған әшекей бұйымдары жөнінде баяндалды. Елбасының мақаласы ғалымдар мен жас ғалымдардың тарапынан қолдау тапты.